Vizitu tiun altkvalitan TTT-ejon:
"KantarVikio: Ĉio pri esperanta muziko!"
Ĝi estas bela vikia paĝo pri ĉio rilate al esperanta muziko, kaj bela trezoro por ĉiuj muzikemuloj.
Ekzemple: legi la parolojn de multe da kanzonoj, trovi la akordojn por gitara akompano, malkovri esperantlingvajn kantistojn aŭ e-grupojn...
Tre bona ilo, vere.
Filino mia preparis rozkoloran kristnaskan manĝon.
Brave: Estis bela, kaj bongusta...
Dankon.
Ŝi bone meritas tiun rozan bukedon:
Meze de junio 2007, estis malfacile trovi Esperanto-parolantojn en Ipernity.
Nun, 5 monatojn poste, estas almenaŭ 310... Kia bela kresko!
Kompreneble, mi havas spacon en tiu bona TTT-ejo.
Vidu:
http://www.ipernity.com/doc/jeo055/album
- Tutsole, mi konstruis tiujn belajn dometojn!Sendube, tiu rimarkinda betulo malfacile kreskis, kaj suferis dum sia infanaĝo.
En la vilaĝo, la geinfanoj nomas ĝin: "la ĝirafo".
Dum la 62-a regiona staĝo de Esperanto en Saâles, kelkaj partoprenantoj vizitis la pedagogian fruktĝardenon de la urbo.
Lastajn jarojn, la komunumo proponis al la gelernantoj planti multe da pomarboj.
La gvidanto bone klarigis al la vizitantoj la gravecon de la insektoj por fekundigi la fruktarbojn.
Ili mem faris specialajn insektujojn por allogi sovaĝajn abelojn en la fruktarbejo.
Ĉi-matene, mi atente relegis la poemon "Unue ili la judojn venigis". La pastoro, Martin Niemöller, verkis ĝin en germana lingvo, dum la holokaŭsto.
Kiam la nazioj forkondukis la komunistojn,
Silentis mi,
Mi estis ja ne komunisto.
Kiam ili malliberigis la socialdemokratojn,
Silentis mi,
Mi estis ja ne socialdemokrato.
Kiam ili forkondukis la sindikatanojn,
Mi ne protestis,
Mi estis ja ne sindikatano.
Kiam ili la judojn venigis
Silentis mi,
Mi estis ja ne judo.
Kiam ili min venigis,
Estis jam neniu,
Kiu povis protesti.
Promenante laŭ la marbordo, la nomo de tiu velŝipo tuj altiris mian rigardon...
Sufiĉus aldoni la 5 literojn S, P, E, R, E...
Tuj, la ŝipo iĝus "esperema ŝipo"!
Por festi la 3-an Blogtagon, mi indikas 5 blogojn, kiujn mi ŝatas:
http://bendisplanet.blogspot.com/
http://skribitaj-pensoj.blogspot.com/
http://verdalando.blogspot.com/
http://cezarblogo.blogspot.com/
Ĉu vi estas bloganto?
La 31-a de Aŭgusto, celebru la 3an BlogTagon!
BlogTago estas dediĉata al blogantoj (blogistoj?).
Je tiu ĉi tago, ĉiuj blogantoj trans la tuta mondo povos afiŝi rekomendojn pri 5 novaj blogoj, prefereble blogoj malsame je sia propra kulturo, vidpunkto, kaj sinteno. Do, la blogkrozantoj trovos sin saltante kaj trovante novajn, nekonatajn blogojn, kaj celebrante la eltrovo de novaj homoj kaj blogantoj.
Vi trovos pli da informoj... en Esperanto... ĉi tie: http://www.blogday.org/eo.htm
N.B. Mi esperantigis la du belajn etikedojn:
Interkonsento estas pli bone, ĉu ne?Antaŭ kelkaj tagoj, en la garaĝo, naskiĝis kvin simpatiaj hirundetoj.
Kiam iliaj gepatroj alportas manĝaĵojn, kiel bela koruso, la kvinteto larĝe malfermas la bekojn.
Sed ilia kanzono estas nur plendo de malsato....
Luma perlo: mia kvina *hajko
*Hajko estas poeziaĵo (el japana tradicio) konsistanta el 3 linioj kun entute 17 silaboj (5 - 7 - 5). Verkita en simpla lingvaĵo, hajko kutime priskribas la naturon, kaj invitas la legantojn al meditado.
Mia amiko, Christian, ilustristo k pentristo, freŝe kreis retejon por montri kelkajn el siajn desegnaĵojn k pentaĵojn.
http://traitportrait.blogspot.com
Mi pensas ke li posedas altan talenton, ĉu vi konsentas?
*loko por fumanto
lorena pejzaĝo
Blovas, blovadas...
La betuloj bruas, tremas sub la vento, perdante multajn semojn, kiuj lerte disventiĝas, forflugas, kaj kovras la grundon.
Eble, betulo disvastigas Esperanton, ĉar ĉiu el siaj akenoj similas la literon E.
Ĉie sur la tero, kuŝas milionoj da E.
